Advents-Bloggen: Tag 13

Einleitung
durch Monsieur Fischer:

Für einmal möchte ich kurz ein paar Worte an die Leserschaft richten. Der nun folgende Beitrag von aD! bedarf einer Erklärung. Was er mir da geliefert hat ist keine Geschichte, sondern schlicht ein Gesamtkunstwerk. Einerseits ist es auf Schweizerdeutsch und in Kleinschrift verfasst, es gibt selbstgeschossene Bilder dazu und nicht zuletzt sogar Musik. Sensibilisert also eure Sinne und nehmt euch etwas Zeit für die traurige Geschichte von Ariane. Den Einstieg zur Geschichte gibt es gleich hier, den äusserst lohnenswerten Rest erfahrt ihr über den Link am Ende des ersten Teils.

Und nun viel "Vergnügen" (Taschentuch nicht vergessen) und einen grossen Dank an aD! und all die anderen Autorinnen und Autoren der bisherigen und noch folgenden Geschichten, welche dem Adventskalender zum grossen Erfolg verholfen haben!

Gastbeitrag heute von: aD!, Wazzup? Elfen-Blog

ariane

"jetzt isch es fascht es jahr sidher.
mini chli ariane, hmmm...
...letscht wiehnachte hed si no mit üs gfiired, obwohl sie bereits sehr schwach gsi isch.
jetzt isch ihres zimmer leer, so als öbs erscht grad geschter gsi wär.
ihres tagebuech liit no immer da.
ich has nie agluegt.
was sie ächt gfühlt hed?
was sind ächt ihri gedanke gsi?"













arianes tagebuch:

samschtig, zwänzigschte dezämber.
geschter am abig isch mier öppis komischs passiert.
ich han scho gschlafe, won ich plötzlich us mine träum erwacht bin.
"häsch du guet gschlafe?" hed mich en schtimm gfrögt.
wer isch das gsi?
ich ha umegluegt, han aber niemmer chönne erchänne.
uf em bode vor em bett isch niemmer gschtande.
ich han mich ufgsetzt und bi verschrocke.
ich han e gschtalt erchännt, wo uf mich zuecho isch.
"heb kei angscht" hed die fremd gschtalt mitere helle, klare schtimm gseit.
sie hed en wiite chittel und nackti füess gha.
ich ha mier d'auge gribe.
aber nachher isch die wiiss kleidet gschtalt immer no da gsi.
isch das es meitli oder en bueb?
ich bi mier ned sicher gsi.
"chasch du mier ned verrate öb du guet gschlafe hesch?" hed die gheimnisvoll gschtalt no einisch gfrögt.
"doch, scho, aber wer bisch du und wie bisch du da ine cho?"
"mier sind ängel und gfinded überall iilass" hed er gantwortet.
"du säisch mier und üs. sind ier so vill?" han ich ihn gfrögt und er hed gsäit "sehr viel, ja, du fangsch a z'begriffe".
nachher hed er mier vo de himmlische heerschare und de hirte uf em fäld verzält, doch ich ha ihm ned glaubt.
er hed gsäit "du armi".
das hed er ned gsäit will ich chrank gsi bin, sondern wil ich ned a de glaubt han, wo mit mier gredet hed.











ariane: wer bisch du?
engel: en ängel.
a: en ängel?
e: ja, das bin ich - ariane.
a: ich weiss trotzdem ned wer du bisch.
e: aber mier wüssed fascht alles über euch. das isch genau wie bimene schpiegel.
a: wie bimene schpiegel?
e: ier gsend nur üch selber, ier chönd ned gseh was sich uf de andere site befindet...










Die Fortsetzung des Gesprächs zwischen Ariane und dem Engel gibt es gleich hier.